منتديات فارس الحب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 

الرئيسيةالبوابةأحدث الصورالتسجيلدخول</a><hr>

 

 محمد صلى الله عليه وسلم الى النبي

اذهب الى الأسفل 
كاتب الموضوعرسالة
زهرة الياسمين
عضو ذهبى
عضو ذهبى
زهرة الياسمين


انثى
عدد الرسائل : 796
العمر : 38
اعلام الدول : محمد صلى الله عليه وسلم الى النبي Caouai10
الاوسمة : محمد صلى الله عليه وسلم الى النبي 0e27fb10
وظائف : محمد صلى الله عليه وسلم الى النبي Pharma10
دعاء : محمد صلى الله عليه وسلم الى النبي La20alah
تاريخ التسجيل : 16/02/2008

محمد صلى الله عليه وسلم الى النبي Empty
مُساهمةموضوع: محمد صلى الله عليه وسلم الى النبي   محمد صلى الله عليه وسلم الى النبي I_icon_minitimeالأربعاء مارس 19, 2008 4:40 pm


دا لأنك



أول واحد خشّ ضلوعى بجد وداس



ولأنك



أول واحد هدّ السد الفاصل بين الناس



ولأنك



أوّل بذرة حب اتزرعت جوّا الراس



ولأنك



أعظم كلمة أنا ممكن أقولها على الكراس



كلمة نبى



يا كل كائن فى ( الزمان اللولبى )



يا كل سلطان أجنبى



يا كل واحد



عاش غبى وهيموت غبى



الا النبى



أنا مش صبى وبيّاع كلام



عن أولياء الله وسيرة الأنبيا



ولا من هواة الضحك



فى وشوش الكلاب والأغبيا



ولا من هواة الهرتلة



ولا من هواة الأجوبة الفارغة



اللى مالهاش أسئلة



ولا نفسى أقف ع المدنة وأحدف قنبلة



أنا بس شفت المسألة



إن اللى شايلين الرايات واقفين غلط



وإن الكلاب فى الغرب قاعدين بالزلط



ومن العبط



إنك تشوف رايتك هناك متنكسّة



وإنك تشوف كل الجيوش متقدمة



وجيوشك أنت مكسكسة



وإنك تحطّ ايديك فى ايد متنجسّة



وإنك تطبطب فوق قلوب متيبّسة



وإنك تحسّ



إن الثوابت كلها طلعت فاشوش



وإنك تحس إن أنت من جواك هاموش



وإن الرتوش صبحت علم



وإن القلم عمّال بيكتب أجنبى



وإن الكلاب فى الغرب بيسبّوا النبى



يا كل واحد عاش أبى لدرجة ملاك



مين اللى خلاك تنحنى



مين اللى داس



على عودك المفرود وخلّاه ينتنى



يا كل واحد عاش أبى



يا كل كائن عاش غبى وهيموت غبى



الغرب بيسبّوا النبى



وأنا مكسبى العار والهلاك



الغرب راسم لامتلاك كل النفوس المتعبة



الغرب واقفين للرموز الطيّبة



يا دموعنا يا اللى أنتى تمللى قريّبة



هتفيد بإيه الطبطبة تحت الخيول



كل المعانى اتهلهلت جوّا العقول



كل الكلاب فى الغرب مقطوعة الديول



وولاد زناة الأرض بيسبّوا الرسول



وأنا نفسى أقف وأهتف وأقول



إن الشعوب الطيّبة مالت



وإن الكواكب كلّها انزالت



وإن العيار الفالت اتحكّم



مش جاى أقول الشعر وأتهكّم



أنا جاى أقول الحق



احنا خلاص داخلين زمان الرقّ



أنا نفسى أقول للأفعى جوّا الشقّ



إن الأساس خايخ



وإن السلام ويّا الكلاب بايخ



وإن الوجع شايخ على ضفاف القلوب



وإن الضمير جامد جمود الطوب



وإن الزمن مقلوب على دماغنا



وإن الكلاب نازلين على صداغنا



أنا نفسى أقول للأفعى لدّاغنا



إن احنا رغرغنا كما الأموات



وإن التاريخ قلّاب ماهوش فوّات



وإن السكات يمكن يكون خطّة



واللى احنا فيه دلوقت دا محطة



والقطر لازم يستقيم ويفوت



حق الرسول هنجيبه بالنبّوت



حق الرسول هنجيبه لو هنموت



حق النبى الغالى



أنا ليه بقيت بصرخ بصوت عالى



مش واقف أتفرّج



الناس فى سيرك كبير وبتهرّج



يارب يا مفرّج كروب الصدر



أنا ناوى أقوم وأدعى ف ليالى القدر



إنّى أتوهب لله ولأحبابه



وإنى ما أخبّط غير على أبوابه



وإنى ابتسم قدّام رسول الله



وأقعد معاه وأقعد مع أصحابه



يا رب تجمع قلبى فى رحابه



واجعل كتابه الأول الآخر



ليه الكلاب عمّاله تتقدّم



واحنا اللى ليه دايرين بنتّاخر ؟



مين اللى حطّ الردّة ع الفاخر



ليه البواخر نايمه ع المينا



ليه انتظرنا الغرب يدّينا ؟



ليه سيبنا بعضينا على السكّة ؟



الفكّة دايرة تهزّ فى جيوبى



والتوب دة مش توبك ولا توبى



التوب دا توب أمريكا والدنمارك



وأنا رافض التطبيع مع الخاين



الشمس طالعة ونورها مش باين



وأنا دمّى مش هاين ومش خوّاف



وها أقولها حرّة وعلّقولى النّاف



أنا كلّى شوق للساحة والسيّاف



أنا مش هشيلك تانى ع اللكتاف



ولا ناوى أخاف منّك وأطوف وأسعى



أنا عندى أشيل القصعة وأصبح حرّ



يغرق شراعك أو يطول البر



لازم ندوس ع الشر بالجزمة



لازم نقول سبّ الرسول أزمة



لازم نقف ويكون لنا لازمة



يا نموت فى وسط الحر من غير زاد



الغرب بيسبوا النبى يا ولاد



سَبُوا النبى يا عباد بتعمل خير



سَبُوا النبى يا اللى انحنيت للغير



يا كل طفل بيتولد بضمير



الغرب بيسبوا النبى



يا كل كائن فى الزمان اللولبى



يا كل واحد عاش أبى



لازم نقف ونقول لهم



الا النبى ***** الا النبى


زهرة الياسمين


محمد صلى الله عليه وسلم الى النبي Get-2-2008-18bpfiu8
الرجوع الى أعلى الصفحة اذهب الى الأسفل
 
محمد صلى الله عليه وسلم الى النبي
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات فارس الحب :: المنتديات الادبية :: منتدى الشعر العامى والنبطى-
انتقل الى: